学生出机新选择 ! 香港品牌手机 NUU Mobile Z8 大学实测-重庆网

您当前的位置：重庆网 > 科技

学生出机新选择 ! 香港品牌手机 NUU Mobile Z8 大学实测

2020-06-03 08:16:51 来源：互联网阅读：-

八月 25, 2015 • 手提电话, 手机测试, 评测 •

仲有一个星期就开学啦！做咗成个暑假暑期工，相信各位准 freshman 都赚到少少钱，唔知大家有冇打算买番部新手机庆祝入 U 呢？咩话？无谂过？因为旗舰机贵得滞，平价机又惊唔襟用？最近香港手机品牌 NUU Mobile 就推出了平民化手机 Z8，唔止外形见得下人，而且仲打机上网睇片瓣瓣掂，售价仲好合理添！而家就等我哋同大家分享下系校园入面部 Z8 点帮到大家啦！

外型唔失礼手感几好

相信唔少后生仔都对买入门手机有啲保留，因为唔少入门手机个样都好普通，甚至有啲都几「薯」，即使贪平买咗，拿番学校用真系俾同学笑到面黄都似。而呢部 Z8 外型就几具时尚感，拿上手几舒服之余，机背壳仲采用咗拉丝设计，配合灰黑色机身，无论远望定近睇都一啲唔失礼。

机背加入咗拉丝设计，感觉都几靓。

另外，拿住部大芒手机，有时要按个开关键先至用到，都几麻烦，Z8 就内建「双击唤醒」手势操控功能，只要用手指系荧幕度敲两下，荧幕就会著番，单手用电话其实不难。

系熄荧幕状态下双击荧幕，就可以开芒用到，适合单手操控时使用。

上 lecture 去「拉把」有电话入唔惊嘈到人

有时去上 lecture 之前，又或者去「拉把」揾资料做功课，唔知大家有冇遇过唔记得熄电话铃声，然后有人突然打电话来，结果就搞到劲尴尬。Z8 就内建几种手势操控功能，当中反转静音同埋手势静音最就啱成日唔记得熄声嘅大头虾用啦，只要有电话打来个时，将手机荧幕反转向下，又或者系荧幕右上方的距离感应器位置移动手掌，就可以进入静音模式，咁就算有电话都唔洗惊阻住大家上堂啦。

本身已支援唔同手势操控，当中反转静音及手势静音就最啱成日唔记得较震机嘅大头虾使用。

只要有电话打来个时，即刻反转部手机，就可以即时静音。

时尚提示灯避免错过重要讯息

另外，NUU Mobile Z8 系机身设计上都好有特色，尤其是它内建的指示灯，设计于机身正面底部位置，会有蓝色灯展示有冇未接来电、讯息等。有咗佢，大家就算较咗静音模式，都唔惊错失任何重要讯息啦。

荧幕够大色水好睇片上网都一流

时下后生仔都兴用大芒手机，贪嘅自然系芒大睇得舒服之余，成班朋友一齐睇感觉都爽好多。Z8 本身都拥有 5.5 吋荧幕，而且具有 1080p 解像度，无论系用来上网、睇片或者打机都几唔错，清晰度高之余色水又偏向自然，灵敏度又高。加上本身 Z8 就采用了 1.7GHz 四核心处理器及 2GB RAM，就算玩白猫都唔惊窒机或者弹 APP 啦！

采用四核心处理器 + 2GB RAM，打白猫都唔惊会窒。

用来上网色水自然之余，清晰度都好高，唔洗放大都睇到细字！

另外值得一提嘅系，Z8 本身嘅内置喇叭，音量都真系几大，笔者试过系 City U 嘅 canteen 开住声睇 MyTV，就算四周围都几嘈，都一样听得清楚对白，呢一点真系值得一赞！而且音效入面，仲有几项音质选项俾大家拣，当中就连用蓝牙耳机听歌都可以享受无损格式质素，呢一点相信唔系好多入门手机做得到呢，抵赞！

系 canteen 用内置喇叭追剧，就算四围好嘈都好够声，不过笔者建议为免嘈住其他人，如果系自己「独享」嘅话，都系戴耳机会好啲！

如果大家惊系室外太嘈听唔到电话铃声，只要系「音效与通知」入面设定为「户外」，就唔惊听唔到啦！

另外音效上仲支援无损 BT 模式，就算用蓝牙耳机都可以听到高质素音乐呢！

总结：千八唔洗抵买够用有凸

学生哥揾到嘅钱唔多，就算系做足 3、4 个月暑期工，揾埋储埋可能都只系一万几千，而且入到 U 乜都要洗钱，唔想养成大洗嘅习惯，就唔好下下都谂买旗舰手机啦，始终 7、8 千蚊部手机，莫讲话作为学生哥嘅大家，就连笔者都觉得几唔舍得。今次为大家介绍嘅 NUU Mobile Z8，千八蚊唔洗嘅售价，就可以买到部功能全面又质素几好，而且可以插卡（仲要系支援双卡双待）换电同支援双 4G 的智能手机，网上买仲要附送埋两年保养，计落真系好合理！如果各位准 freshman 预算有限，但又想买番部新手机庆祝入 U，呢部 NUU Mobile Z8 真系值得考虑！